ముంతాజ్ మాధ్వాని
ముంతాజ్ | |
|---|---|
.jpg) | |
| జననం | ముంతాజ్ అస్కారీ 1947 జూలై 31 |
| వృత్తి | నటి |
| క్రియాశీల సంవత్సరాలు | 1958–1977, 1990 |
| జీవిత భాగస్వామి | మయూర్ మాధ్వాని (m. 1974) |
| పిల్లలు | 2 (నటాషా, తాన్య) |
| బంధువులు | మాలికా అస్కారి (సోదరి) రాంధావా (రెజ్లర్) (బావమరిది) షాద్ రాంధావా ఫర్దీన్ ఖాన్ |
ముంతాజ్ అస్కారీ మాధ్వాని (జననం 1947 జూలై 31) హిందీ చిత్రాలలో పనిచేసిన భారతీయ నటి. హిందీ సినిమా అత్యుత్తమ నటీమణులలో ఒకరిగా పరిగణించబడిన ముంతాజ్ రెండు ఫిల్మ్‌ఫేర్ అవార్డులను అందుకున్నది. ముంతాజ్ తన 11వ ఏట సోనే కి చిదియా (1958)తో తొలిసారిగా నటించింది. స్త్రీ (1961), సెహ్రా (1963) వంటి చిత్రాలలో చిన్న పాత్రలు చేసింది.[1]
ముంతాజ్ ఫౌలాద్ (1963), డాకు మంగళ్ సింగ్ (1966)లతో "స్టంట్ ఫిల్మ్ హీరోయిన్"గా టైప్‌కాస్ట్ చేయబడింది. రామ్ ఔర్ శ్యామ్ (1967), మేరే హమ్‌దమ్ మేరే దోస్త్ (1968), బ్రహ్మచారి (1968)లలో ఆమె నటనకు ప్రసిద్ధిచెందింది. ముంతాజ్ తన కెరీర్‌లో దో రాస్తే (1969) భారి విజయాన్ని అందుకుంది. బంధన్ (1969), ఆద్మీ ఔర్ ఇన్సాన్ (1969), సచా ఝూతా (1970), ఖిలోనా (1970), తేరే మేరే సప్నే (1971), హరే రామ హరే కృష్ణ (1971), అప్నా దేశ్ (1972), లోఫర్ (1973), ఝీల్ కే ఉస్ పార్ (1973), చోర్ మచాయే షోర్ (1974), ఆప్ కీ కసమ్ (1974), రోటీ ( 1974), ప్రేమ్ కహాని (1975), నాగిన్ (1976) వంటి చిత్రాలతో ఆమె తనను తాను ప్రముఖ నటిగా నిలబెట్టుకుంది, ఇది ఆమెకు ఉత్తమ నటిగా ఫిల్మ్‌ఫేర్ అవార్డును అందించింది.
1977 చిత్రం ఐనా, 13 సంవత్సరాల విశ్రాంతి తర్వాత, 1990 చిత్రం ఆంధియాన్, రిటైర్మెంట్‌కు ముందు ఆమె చివరి చిత్రంగా గుర్తించబడింది. నటన నుండి విరమించుకున్నప్పటి నుండి, ముంతాజ్ తన భర్త ఉగాండా వ్యాపారవేత్త మయూర్ మాధ్వానితో కలిసి లండన్‌లో స్థిరపడింది, ఆమెకు ఇద్దరు కుమార్తెలు ఉన్నారు.
క్యాన్సర్‌తో బాధపడుతున్న మహిళల జీవితాలపై భారతీయ అమెరికన్ నటి నమ్రతా సింగ్ గుజ్రాల్ రచన, దర్శకత్వం వహించిన 2010 అమెరికన్ డాక్యుమెంటరీ చిత్రం 1 ఎ మినిట్ లో ముంతాజ్ నటించింది.
కెరీర్[మార్చు]
ముంతాజ్ సోనే కి చిదియా (1958)లో బాలనటిగా కెరీర్ మొదలుపెట్టింది. యుక్తవయసులో ఆమె 1960ల ప్రారంభంలో వల్లా క్యా బాత్ హై, స్త్రీ, సెహ్రాలలో నటించింది. ఆ తరువాత, ఆమె గెహ్రా దాగ్‌, ముఝే జీనే దో వంటి విజయవంతమైన చిత్రాలలో నటించింది. ఫ్రీస్టైల్ రెజ్లర్ దారాతో కలిసి ఫౌలాద్, వీర్ భీంసేన్, టార్జాన్ కమ్స్ టు ఢిల్లీ, సికందర్-ఈ-ఆజం, రుస్తోమ్-ఈ-హింద్, రాకా, డాకు మంగళ్ సింగ్ వంటి 16 యాక్షన్ చిత్రాలలో ప్రధాన కథానాయిక పాత్రను పోషించింది.[2]
రామ్ ఔర్ శ్యామ్ (1967), ఆద్మీ ఔర్ ఇన్సాన్ (1969)లలో ఆమె నటనకు ఉత్తమ సహాయ నటిగా ఫిల్మ్‌ఫేర్ అవార్డుకు రెండు నామినేషన్లు అందుకుంది. రాజేష్ ఖన్నా నటించిన రాజ్ ఖోస్లా బ్లాక్ బస్టర్ ఫ్యామిలీ డ్రామా దో రాస్తే (1969)లో ఆమె నటన పూర్తి స్థాయి స్టార్‌గా మార్చింది. ఆమె అలంకార హీరోయిన్ పాత్రను పోషించింది. దర్శకుడు ఖోస్లా ఆమెతో నాలుగు పాటలను చిత్రీకరించాడు.[3] ఈ చిత్రం ఆమెకు మంచి ప్రజాదరణను తెచ్చిపెట్టింది.
రాజేష్ ఖన్నాతో కలిసి చేసిన దో రాస్తే, బంధన్ 1969 సంవత్సరంలో అత్యంత అధిక వసూళ్ళు సాధించిన చిత్రాలుగా నిలిచాయి.[4] దీని తర్వాత 1970లో ఖిలోనాలో హీరోయిన్ ఓరియెంటెడ్ పాత్ర చేసింది, దానికి గాను ఆమె ఉత్తమ నటిగా ఫిల్మ్‌ఫేర్ అవార్డును గెలుచుకుంది.
రాజేష్ ఖన్నాతో ఆమె 10 చిత్రాలలో జోడీ కట్టగా[5] ఫిరోజ్ ఖాన్‌తో మేళా (1971), అప్రద్ (1972), నాగిన్ (1976) వంటి హిట్‌లను అందించింది. ఆమె లోఫర్, జీల్ కే ఉస్ పార్ (1973) వంటి చిత్రాలలో ధర్మేంద్ర సరసన నటించింది. శశి కపూర్ తో ఆమె చోర్ మచాయే షోర్ (1973)లో నటించింది.
ముంతాజ్ తన కుటుంబంపై దృష్టి పెట్టడానికి ఐనా (1977) తర్వాత సినిమాలను విడిచిపెట్టింది. ఆమె 13 సంవత్సరాల తర్వాత ఆంధియాన్ (1990)తో తిరిగి వచ్చింది, అయితే ఆ సినిమా పరాజయం పాలవడంతో విశ్రాంతి తీసుకుంది.
వ్యక్తిగత జీవితం[మార్చు]
ముంతాజ్ అబ్దుల్ సలీం అస్కారీ (డ్రై ఫ్రూట్స్ విక్రేత), ఇరాన్‌లోని మషాద్‌కు చెందిన షాదీ హబీబ్ అఘా దంపతులకు జన్మించింది. ఆమె పుట్టిన ఒక సంవత్సరం తర్వాత వారు విడాకులు తీసుకున్నారు.[6][7][8] ఆమె చెల్లెలు నటి మల్లిక, ఆమె రెజ్లర్, భారతీయ నటుడు రాంధవాను వివాహం చేసుకుంది. ఆయన రెజ్లర్, నటుడు దారా సింగ్ తమ్ముడు.[9]
ముంతాజ్ 1974లో వ్యాపారవేత్త మయూర్ మాధ్వానిని వివాహం చేసుకున్నది. వారికి ఇద్దరు కుమార్తెలు ఉన్నారు, వీరిలో నటాషా ఫిరోజ్ ఖాన్ కుమారుడు ఫర్దీన్ ఖాన్‌ను 2006లో వివాహం చేసుకుంది.
2022లో, ముంతాజ్‌కు 54 సంవత్సరాల వయస్సులో రొమ్ము క్యాన్సర్ ఉన్నట్లు నిర్ధారణ అయింది.[10]
పురస్కారాలు[మార్చు]
- 42వ ఫిల్మ్‌ఫేర్ అవార్డ్స్‌లో 1997లో ఫిల్మ్‌ఫేర్ లైఫ్‌టైమ్ అచీవ్‌మెంట్ అవార్డు.[11]
- 9వ IIFA అవార్డ్స్‌లో 2008లో IIFA లైఫ్‌టైమ్ అచీవ్‌మెంట్ అవార్డు.[12]
మూలాలు[మార్చు]
- ↑ Jha, Subhash (30 July 2012). "Mumtaz: I am lonely". The Times of India. Archived from the original on 18 September 2018. Retrieved 15 October 2019.
- ↑ "Mumtaz: Dara Singh's kindness got me my first role". The Times of India. 13 July 2012. Archived from the original on 28 September 2013. Retrieved 23 July 2012.
- ↑ Dinesh Raheja (August 2002). "The oomph and spirit of Mumtaz". Rediff.com. Archived from the original on 20 September 2016. Retrieved 23 July 2012.
- ↑ "Box Office 1969". Box Office India. Archived from the original on 7 February 2009. Retrieved 23 July 2012.
- ↑ "Mumtaz: Rajesh Khanna was very close to me". Rediff.com. 18 July 2012. Archived from the original on 25 February 2014. Retrieved 23 July 2012.
- ↑ "Mumtaz – The Asian Age". The Asian Age. Archived from the original on 8 March 2022. Retrieved 7 March 2018.
- ↑ "Mumtaz's Life In Pics". The Times of India. Times Internet Limited. 31 July 2013. Archived from the original on 13 December 2019. Retrieved 7 March 2018.
- ↑ "Mumtaz turns 70: Did you know Shammi Kapoor and Jeetendra were in love with the actor?". Hindustan Times. HT Media Limited. 31 July 2017. Archived from the original on 7 June 2019. Retrieved 7 March 2018.
- ↑ "Mumtaz: Dara Singh's kindness got me my first role". The Times of India. Bennett, Coleman & Co. Ltd. 13 July 2012. Archived from the original on 6 December 2017. Retrieved 7 March 2018.
- ↑ "Veteran actor Mumtaz opens about recent health crisis, her cancer history made injecting drips difficult". The Indian Express (in ఇంగ్లీష్). 6 May 2022. Archived from the original on 9 May 2022. Retrieved 9 May 2022.
- ↑ "Lifetime Achievement (Popular)". Filmfare Awards. Archived from the original on 12 February 2008. Retrieved 15 December 2010.
- ↑ "IIFA to honour A. R. Rahman, Shyam Benegal and Mumtaz". DNA India. 17 May 2008. Archived from the original on 23 January 2024. Retrieved 23 July 2012.